Namibia Rugby
News Report

WHS WEN RILLER

Author: Tielman van Lill, 08/06/19

Net 'n enkele punt het die spanne op Outjo geskei nadat Samsung Windhoek Hoërskool en OK Foods Moria beide desperaat na hul eerste ligasege vir die seisoen op soek was.

WHS het met 29-28 die knoop deurgehaak nadat dit rustyd ewe nael­skraap (22-21) in die Windhoekers se guns was.

Die ligbloues se driedrukkers was vleuels Patrick Karstens en Emil Weder, skrumskakel Tyrese de Wee en stut Daniel Opperman. Losskakel Geraldo Beukes het raak gekorrel met drie doelskoppe en 'n strafdoel.

WHS se afrigter Henry Kemp sê: “DJ Holtzhausen (losskakel van Moria) was weer bitter goed en het sy span op die voorvoet gehou. Vir WHS het haker JC Rossouw en stut Danie Opperman reusewerk gedoen om seker te maak ons span het suiwer balbesit.

“JC Rossouw se drie vyf minute voor die einde toe hy deur vier Moria-verdedigers gebars het om die drie naby genoeg aan die pale te gaan druk, was 'n bepalende oomblik om die doelskop die wenpunte te maak.”

Republikein